Դերասանուհի Էմմա Մանուկյանն այսօր բոլորում է ծննդյան երեսուերեք տարին։ Նա հայ հանդիսատեսին առավել ծանոթ ու հայտնի է որպես դրամատիկ կերպարներ կերպավորող դերասանուհի։
Էմմա Մանուկյանն իր առաջին քայլերն արել է Շանթ հեռուստաընկերությունում։ Նա նախ հայտնի է դարձել «Բանակում» հայտնի սերիալից։
Էմմա Մանուկյանը հանդես է գալիս նաև թատրոնում։ Դերասանուհուն վստահվում են այնպիսի դերեր, որոնք նրա համար ճակատագրական են լինում։ Նա այն դերասանուհիներից է, որ իր ամբողջ էությամբ տրվել է իր մասնագիտությանը՝ փորձելով հնարավորինս անթերի հանդես գալ իր ոլորտում։
Էմմա Մանուկյանը ամուսնացած է դարձյալ «Բանակում» հեռուստասերիալից հայտնի մեկ այլ դերասանի՝ Վիլեն Սարգսյանի հետ։ Նրանք հանդիպել են Թատերական իսնտիտուտում, իսկ վերջին կուրսում սկսել են ավելի մտերմիկ շփումներ ունենալ։
Դերասանական զույգը չքնաղ դստրիկ ունի։ Աղջնակի անունը Սառա է։ Էմմա Մանուկյանը խոստովանում է, որ Սառան բավականին պահանջկոտ է, նա չի կարողանում համակերպվել մայրիկի երկար բացակայության հետ։
