Ինչպես հայտնի է, հերոսացած Ալբերտ Հովհաննիսյանի հայրն աչքի է ընկնում ամուր կամքով ու բացառիկ հայրենասիրությամբ:
Որդու անդառնալի կորստի ցավը սրտում՝ Արտակ Հովհաննիսյանը հորդորում էր Ալբերտի համար նախատեսված ծաղկեպսակների գումարն ուղղել բանակին՝ հանուն առաջիկա հաղթանակի:
Քաջ գիտակցելով, թե մեր օրերի պայքարն ինչ նշանակություն և հետևանքներ կարող է ունենալ՝ Արտակ Հովհաննիսյանը պարբերաբար իր սոցհարթակում հանդես է գալիս ոգեշունչ կոչերով, ոգեղեն խոսքով՝ ոգևորելով մարտնչողներին և հաղթանակի հույսը վառ պահելով բոլորի մոտ:
Նա շարունակաբար հիշեցնում է, որ մենք թևաթափլինելու իրավունք չունենք, ժամանակ չունենք՝ կոչ անելով, որ մարդիկ անտարբեր չլինեն:
Այսօր Արծրուն Հովհաննիսյանն իր սոցհարթակում հիացմունքով տեղեկացրել է, որ մեր հերոսի հայրը շարունակում է բոլորիս ապշեցնել իր հայրենասիրական մեծ կամքով: Նա որոշել է հայրենիքին ու բանակին նվիրաբերել նոր, թանկարժեք մեքենան:
Արծրուն Հովհաննիսյանն իր սոցհարթակում նաև տեղեկացնում է, որ մեքենան պատկանում է Արտակ Հովհաննիսյանին: