Հանրային խորհրդի նախագահ Ստյոպա Սաֆարյանը իր ֆեյսբուքյան էջում գրել է․
ՉՀԱՍԿԱՑՈՂԸ
«Մի բան ինձ համար ընդհանրապես հասկանալի չէ` 2 ամսում շատ ավելի մարդ են տուգանել, քան իմ կառավարման 10 տարում, եւ ինչի՞ համար, դիմակ չկրելու համար: Բայց խոսքի մեջ ժողովրդին մենք ձեզ սիրում ենք, մենք ձեզ սիրում ենք: Մի սիրեք, բայց ճիշտ կառավարեք, որ 900 հոգի չմեռնի,»-ասում է ՀՀ-ում 10 տարի աշխատած մարդը՝ Ռոբերտ Քոչարյանը։
Նա չի հասկանում, թե աշխարհում դիմակ ինչու են դնում, Վրաստանում ինչու են 800 լարի տուգանում դիմակ չկրելու համար, Հունաստանուն ինչու են 150 եվրո տուգանում դիմակ չկրելու համար․․․ Չի հասկանում․․․ Չի հասկանում, որ մարդկությունը պայքարի 3 միջոց ունի կորոնավիրուսի դեմ՝ դիմակ, ալկոգել, ու 1,5 մետր տարածություն․․․ Ու ամբողջ աշխարհում այդ երեք լուծումն է․․․ Դժբախտաբար․․․․ Բայց նա անգամ տարրական բաները հասկանալու պրոբլեմ ունի․․․ Ու եթե այս տարիքում տարրական բաներն ըմբռնելու դժվարություն ունի, պատկերացրեք 20 տարի առաջ նրա «իմաստնության» չափը, երբ սկսում էր երկիր ղեկավարել․․․ Ու կորոնավիրուսից մահու չափ վախենալով ու այդ հիմքով ազատության մեջ հայտնվելով, նա չի հասկանում թե ինչ բան է կառավարություն-ժողովուրդ սերը, ոչ էլ հասկանում է օրինական սահմանափակումների խախտման համար տուգանքները․․․ Նա 20 տարի առաջվա համեմատությամբ էլ չի մեծացել այնքան, որ տարրական բաներն ըմբռնի․․․ ու եթե դրանք չի ըմբռնում, չի էլ ըմբռնում, որ նման տարրական և միակ պայքարի միջոցները խախտելու համար տուգանք պետք է լինի․․․ Բայց չհասկանալով ցանկանում է կամ հայտարարում է թե ուզում է կրկին «ղեկավարել», որովհետև իրեն «ճգնաժամային ղեկավար» են ասում։ Իրեն պարզապես չեն ասել, որ ինքը ոչ թե ճգնաժամի լուծողն է, այլ հենց ճգնաժամն է․․․․ Անձամբ․․․
Նա նաև չի հասկանում, թե ինչ է ասել է՝ Արցախը Հայաստան է և վերջ։ Խորհուրդ տալով կարդալ անկախության հռչակագիրը, որի վրա հղում է կատարում ՀՀ Սահմանադրության նախաբանը, նա տեղյակ չէ, որ այդ հղումը վերաբերում է հենց Հայաստանի ու Արցախի վերամիավորմանը, այսինքն որ Արցախը իսկապես Հայաստան է ու վերջ, ու դա նաև մեր Սահմանադրությունն է ասում։ Ու նա նաև դա չի հասկանում, որովհետև չի կարդացել ոչ Հայաստանի անկախության հռչակագիր, ոչ Սահմանադրություն, բայց առանց կարդալու 10 տարի երկիր է ղեկավարել ու այժմ էլ «հավակնում է»․․․ Ու արդեն չես զարմանում, թե նա ինչու չի հասկանում, երբ իրեն մեղադրում ենք երկրում սահմանադրական կարգը տապալելու մեջ․․․ նա անմեղսունակ դեմքով հարցնում է՝ ո՞վ, ե՞ս․․․ ես ինչու՞ պետք է տապալեի սահմանադրական կարգը, երբ ես էի սահմանադրական կարգը․․․ Ու նա Սահմանադրությունն էլ չի հասկացել, ինչ մնաց անկախության մի ողջ գործընթաց կամ հռչակագիր հասկանար, որի վրա հենվում է Սահմանադրությունը․․․․
Նա վախենում է, որ Արցախը Հայաստանի մարզ լինի։ Ու հենց այդ վախից ու նաև չհասկանալուց, որ «Հայաստանն Արցախ է և վերջ» Հեյդար Ալիևի հետ բանակցեց թուրքերի հետ կոնֆեդերատիվ՝ Ընդհանուր պետություն մոդելը, որտեղ նրա լուծումը Իլհամ Ալիևի ասածն է՝ «Արցախն Ադրբեջան է և վերջ․․․» Նա դրանից չվախեցավ, 1,5 տարի դետալներ բանակցեց, բայց վախենում է, որ Արցախը Հայաստանի մարզ լինի․․․ Ու այդ խելքին ու վախերին նա 10 տարի նախագահ էր, իսկ այսօր հոխորտում է, թե Հայաստանի փրկությունն էլ ինքն է․․․
Նա խոսում է այն մասին, թե վերջին 2 տարում Հայաստանը սահմանին կամ շփման գծում ռազմավարական դիրքեր չի բարելավել, բայց մոռանում թե, ինչպես Քիվեսթյան տարբերակով հենց նույն տավուշում նհամաձայնել է, որ լիքը ռզամվարական դիրքեր Ադրբեջան են և վերջ․․․ Նա մոռացել է, որ երբ նույն Տավուշում կառուցվում էր Կիրանց-Ոսկեպար շրջանցիկ ճանապարհը, հենց այդ ժամանակ գորշ գոտում գտնվող լիքը տարածքներ թողել է հենց Ադրբեջանին, որտեղ նրանք այսօր վերահսկում են այն տարածքները, որոնք նախկինում մեր նախրապանների ու հովիվների ամենօրյա վերահսկողության ներքո էին․․․ Փառք Աստծո, փաստերն անհերքելի են․․․
Կրկնում եմ, այնտեղ որտեղ մենք մեր հայրերի հետ նախկինում արածացնում էինք մեր գյուղի կովերին կամ ոչխարներին, այսօր Ադրբեջանի նոր դիրքերն են․․․․ Ու նա քննադատում է այս իշխանություններին, հենց որոնոց օրոք հաջողված փորձ արվեց Տավուշում վերցնելու դիրքեր, մինչդեռ իր օրոք Փայտասար կամ Ղարաբուլախ ռազմավարական դիրքերը չվերցվեցին, ինքը չթողեց՝ բանակը չմասնակցեց ռազմական օպերացիային․․․․
Նա ոչինչ չի հասկանում․․․ չի հասկանում, երբ ժողովուրդը սիրում է կառավարությանը և հակառակը, չի հասկանում, երբ կառավարությունը սահմանին ուղղում է նախկինների բացթողումները, չի հասկանում, որ Արցախը Հայաստան է ու վերջ․․․ Նա միայն հասկանում է ճիշտ կառավարումը, ավելի ստույգ՝ ճշտով կառավարումը․․․ Իկս այդ ճշտով կառավարումն այն է, երբ դու, ընտանիքով Արցախից գալիս ես Հայաստան, ու ոչինչ չունենալով տպավորիչ բակային հաշիվներ ես ունենում, երբ երեք զավակներիդ վրա գրանցված գույքի հասցեների ցուցակը 6,5 էջ է լինում․․․․
Աղետ եղել ես, ու աղետ էլ մնացել ես․․․
