Այսօր հրաշալի դերասանուհի գեղեցկուհի Լուիզա Ներսիսյանի ծննդյան քառասուներեքամյակն է։ Լուիզան կամ Ելիզավետան՝ ըստ անձնագրի, ծնվել է 1977-ի հուլիսյան այս օրը՝ Երևանում։
Սովորել է համար 172 դպրոցում, ապա՝ 149 դպրոց — վարժարանի անգլերենի ու պարսկերենի բաժնում։
Դպրոցին զուգահեռ հաճախել է Սաթենիկ Թոփուզյանի խամաճիկների թատրոն, խաղացել ներկայացումներում։
Սիրելով թատրոնը՝ ուսումը թատերական ինստիտուտում է շարունակել։
Ուսանոկան տարիներին մեծագույն պատվի է արժանացել՝ լեգենդար Արմեն Ջիգարխանյանի անձնական հրավերով Մայակովսկու անվ․ մոսկովյան թատրոնում խաղալով «Անտիգոն» ներկայացումում։
Վերադառնալով Երևան՝ 1999-ից աշխատում է կամերայինում։
Զուգահեռ աշխատում է որպես հաղորդավարուհի և նկարահանվում ֆիլմերում, որոնք անչափ սիրված են շնորհիվ Լուիզայի վառ կերպարային խաղի համար։
Հրաշալի դերասանուհին ամուսնացած է տաղանդաշատ դերասան Հրանտ Թոխատյանի հետ։ Զույգը նրբադեմ աղջնակ ունի՝ Լիլիթը։
Շնորհավորում ենք հրաշալի դերասանուհուն՝ ստեղծագործական նորանոր վերելքներ մաղթելով տաղանդաշատ հայուհուն և ընտանեկան անսպառ երջանկություն՝ տաղանդաշատ ամուսնու և հրաշագեղ դստեր հետ։
