Օրհասական ու նվիրյալ պայքարը, որ արդեն մի քանի ամիս է ձգվում, նախ և առաջ բուժաշխատողների ուսերին է, նրանց պատասխանատվության ու ջանքերի շնորհիվ է առաջ գնում:
Բազմիցս է ասվել, որ բժիշկների համար բացի խիստ ու բազմազբաղ գրաֆիկը, լրացուցիչ դժվարություն է ստեղծում այն պաշտպանիչ համազգեստը, որը ստիպված են կրել նա՝ վիրուսից զերծ մնալու համար:
Բժիշկ Դավիթ Մեհրաբյանն իր էջում լուսանկար է տեղադրել, որտեղ երևում է բժիշկը զգեստափոխության ժամանակ: Լուսանկարում երևում է, թե ինչպես է հատուկ արտահագուստի անթափանց լինելու պատճառով քրտնելուց ամբողջովին թրջվում նրա բժշկական հագուստը:
Բժիշկը լուսանկարին կից գրառում է արել՝ ասելով, որ այսօր մեր բուժաշխատողներն ամենօրյա գրաֆիկով աշխատում են այսպիսի կարգավիճակում: Նա հորդորել է գնահատել և ոչ մի պարագայում չմոռանալ անձնական պատասխանատվության, սոցիալական հեռավորության և դիմակ կրելու մասին:
Բժիշկը, հանրայնացնելով այս կադրը, ցանկացել է լրացուցիչ հիշեցնել առաջնագծում մանգնած անձանց դժվարությունների մասին:
