Այսօր սիրված ու տաղանդավոր դերասանուհի Էվելինա Շահիրյանը նշում է ծննդյան յոթանասունիննամյակը: Նա շարունակում է իր հմայքով հիացնել շատերին:
Ծնունդով գյումրեցի արտիստուհին երկար տարիներ եղել է հաղորդավարության ոլորտում՝ վարելով մանկական ու երաժշտական հաղորդումներ:
Հենց այս կարճ ժամանակահատվածում էլ հաղորդավարուհի աշխատող Էվելինան ծանոթանում է իր ապագա ամուսնու հետ:
Հայտնի ու բազմաթիվ հաջողությունների հասած արտիստը իր բազմաբեղուն կյանքի ընթաքում հասցրել է բազմաթիվ արժեքավոր ֆիլմերում ու ներկայացումներում հանդես գալ՝ կերտելով հաջողված, տիպային կերպարներ:
Գրեթե կես դար բեմում հաջողակ ու վարպետացած դերասանուհին կյանքում, սակայն, չի սիրում խաղալ: Նա առավելաբար գնահատում է մարդակյին անկեղծությունը:
Որքան էլ դերասանուհին հաջողված է ու սիրված իր մասնագիտության ոլորտում, նա անկեղծորեն խոստովանում է, որ մշտապես դժգոհ է լինում ինքն իրենից:
Է. Շահիրյանի դուստրը շարունակում է մոր գործը, տղան նկարիչ է, իսկ թոռները, ժառանգելով գեներով փոխանցված տաղանդը, ևս հրաշալի կերպով դրսևորվում են արվեստի ոլորտում: