Կորոնավիրուսի հաստատված դեպքերին զուգընթաց շատանում են նաև այն քաղաքացիները, ովքեր կարողացել են հաջողությամբ հաղթահարել այս վիրուսը և տուն վերադարձել:
Առավոտյան նախարար Արսեն Թորոսյանը հետաքրաիր և ուրախացնող տեղեկություններ էր հրապարակել, որոնցում նշվում էին մի քանի տարեց քաղաքացիների բուժման դեպքեր՝ խորհուրդ տալով պահպանել ծերերի առողջությունը:
Նախարարն ավելի ուշ վավերագրական պատմություններ ներկայացնող մեկ այլ հոլովակ էլ հրապարակեց՝ կոչ անելով ուշադիր լսել հիվանդության միջով անցած քաղաքացիների արտահայտած մտքերը:
Իսկ երեկոյան Ա. Թորոսյանը մեկ այլ հոլովակ էլ տեղադրեց, որտեղ երևում է, թե ինչպես են վիրուսը հաղթահարծ քաղաքացիներ դուրս գրվում և հեռանում հիվանդանոցից բժիշկների «Առողջ եղե՛ք» ոգևորող բացականչությունների և ջերմ ծափահարությունների ներքո:
Այս օրերին քաղաքացիներից ոչ մեկի աչքից չի վրիպում այն նվիրված և հոգածու վերաբերմունքը, որ բժիշկները ցուցաբերում են հիվանդացած կամ կարանտինային գոտում գտնվող անձանց նկատմամբ, ինչն էլ խոսում է նրանց պրոֆեսիոնալիզմի և մարդկային բարձրագույն արժեքների մասին:
👏 3 ծայրահեղ ծանր վիճակում եղած պացիենտ այսօր բուժումից հետո դուրս են գրվում Օրթոպեդիայի և վնասվածքաբանության բժշկական կենտրոնից, որն այս պահին զբաղվում է կորոնավիրուսային հիվանդության բուժմամբ։Շնորհակալ եմ կենտրոնի ողջ անձնակազմին տքնաջան աշխատանքի համար։#ՄնաՏանը #ՓրկիրԿյանքեր
Опубликовано Arsen Torosyan Среда, 22 апреля 2020 г.