ԱԺ-ում քննարկվել և ընդունվել է մեկուսացման կանոնները խախտած քաղաքացիներին վարչական պատասխանատվության կամ տուգանքի ենթարկելու հարցը:
Ըստ ընդունված որոշման՝ սահմանվում է գումարային տուգանք բոլոր նրանց նկատմամբ, ովքեր կխախտեն մեկուսացման կամ ինքնամեկուսացման պահանջը, որն արվել է համապատասխան մարմնի կողմից:
Ըստ որոշման՝ մեկ այլ՝ առավել խստագույն պատիժ է սահմանվում նաև նրանց նկատմամբ, ովքեր մեկուսացման պահանջն ու կանոնները կխախտեն հիվանդանոցում՝ բուժման ժամանակ. նրանց սպասվում է բանտարկություն՝ 3 ամսից մինչև նույնիսկ հինգ տարի ժամանակահատվածով:
Կարանտինային կանոները խախտելու դեպքում սահմանված տուգանքների մասին իր էջում տեղեկացրել է ԱԺ նախագահ Արարատ Միրզոյանը: Նա գրառման մեջ հորդորել է խուսափել կանոնների խախտումից՝ զերծ մնալով սահմանված տուգանքներից:
Տուգանվելու են նաև բոլոր նրանք, ովքեր բազմամարդ միջոցառումներ կամ հավաքներ կկազմակերպեն: Խախտումների դեպքում ստեղծվել է հատուկ թեժգծային հեռախոսահամար, որով քաղաքացիները կարող են տեղեկացնել յուրաքանչյուր խախտման դեպքերի մասին:
