Վլադիրմիր Պոզների՝ լրագրողների հետ հանդիպման ընթացքում ներկա հայազգի Սմբատ Պողոսյանը հարզ ուղղեց նրան Հայաստանի ներքաղաքական զարգացումների մասին:
Նրա հարցը Քոչարյանի հետ կատարվող ներկա իրավիճակի մասին էր: Սմբատ Պողոսյանին հետաքրքրում էր Պոզների կարծիքը տեղի ունեցող գործընթացների մասին:
Պոզները ներողություն խնդրեց և ասաց, որ այդ հարցն իրեն այնքան էլ չի հետաքրքրում, նշեց, որ շատ բնական ու լավ է, որ հարցը հետաքրքրում է բոլոր հայերին, սակայն ինքը օտար երկրից է և հարցն իրենց չի վերաբերում, սակայն հարցը բավականին խորքային է:
Ինչ վերաբերվում է քաղաքական փոխհարաբերություններին, Պոզները նշեց, որ Հայաստանի և Ադրբեջանի հարաբերությունները բավականին լարված են, ընդ որում Հայաստանը բավականին աղքատ երկիր է, քարեր են ու լեռներ, մինչդեռ Ադրբեջանը հարուստ երկիր է:
Նա իր խոսքում շեշտում է, որ նման դժվար աշխարհաքաղաքական իրավիճակում գտնվող երկրի ղեկավարը պետք է շատ խելամիտ լինի: Պոզները վստահություն է հայտնում, որ Հայաստանն ամեն ինչ հաջողությամբ կհաղթահարի, իսկ եթե խնդիրներ առաջանան, ինքն անձամբ Հայաստանին կպաշտպանի:
