Գոռ Եփրեմյանը հայկական շոու բիզնեսի դաշտում հայտնվել է ոչ շատ վաղուց: Նա հանրային սերը նախ գրավել էր իր երգերով, հետո նաև՝ սերիալում դերակատարությամբ: Հանդիսատեսը հիշում է նրան որպես Դավիթի կերպար «Վտանգավոր խաղեր» սերիալից:
Դեռ պատանեկության շրջանից Գոռը համերգներով և հյուրախաղերով հանդես է եկել տարբեր նախագծերում ու բեմերում: Նրա երգերը սիրելի են դարձել շատերին, իսկ իր անձի շուրջ ձևավորված համակրական վերաբերմունքը երգիչը բացատրում է իր անկեղծության հանգամանքով:
Չնայած Գոռը մեծ մասամբ իր ժամանակն անց է կացնում ամերիկյան միջավայրում, այնուամենայնիվ նրա համար գերադասելի է Հայաստանը. նա այստեղ իրեն զգում է հարազատ միջավայրում:
Այժմ նա իր երկրպագուներին նոր նվեր է մատուցում՝ գեղեցիկ երգի տեսքով՝ «Անթերի ես»: Երգը եկել է համալրելու ժամանակակից էստրադայի սիրային երգերի շարքերը: Երգի երաժշտության և խոսքերի հեղինակը Գևորգ Սիրեկանյանն է, իսկ տեսահոլովակի ռեժիսորը Արեն Բայադյանն է:
Առաջարկում ենք վայելել երգը, իսկ գնահատանաները թողնում ենք ձեզ: