Սոնա Ռուբենյանն առաջին անգամ բեմ է բարձրացել հինգ տարեկանում «Կռունկ» մրցույթի շրջանակներում։ Այդ ժամանակ Սոնան արդեն սովորում էր Երգի պետական թատրոնի վոկալ բաժնում (1999 թ.), որտեղ ուսանել է Վարդուհի Վարդանյանի մոտ։
2000 թվականին նա ընդունվել է Նար-Դոսի անվան թիվ 14 դպրոց, իսկ 2001 թվականին՝ Ալեքսանդր Սպենդիարյանի անվան երաժշտական մասնագիտական դպրոցի դաշնամուրային բաժին։
Նաև սովորել է Երևանի միջնակարգ մասնագիտական երաժշտական դպրոցում և Երևանի Կոմիտասի անվան պետական կոնսերվատորիայում։
