Բաղադրիչներ
Միջուկի համար՝
- սպիտակաձավար — 1 ճ/գ
- շաքարավազ — 2 ճ/գ
- կաթնաշոռ — 350 գ
- ալյուր — 1 ճ/գ
- թթվասեր — 2 ճ/գ
- ձու — 1 հատ
Խմորի համար՝
- կարագ — 100 գ
- շաքարավազ — 100 գ
- սոդա — 0.5 թ/գ
- ձու — 1 հատ
- ալյուր — 320 գ
- թթվասեր — 125 գ
- աղ — 0.5 թ/գ
Պատրաստման եղանակը
Պատրաստում ենք միջուկը: Կաթնաշոռն անցկացնում ենք մաղով, ավելացում ալյուրը, թթվասերը, շաքարավազը, սպիտակաձավարը և լավ խառնում ենք: Ձվի սպիտակուցն առանձնացնում ենք դեղնուցից: Սպիտակուցը լավ հարում ենք և լցնում նախորդ զանգվածի մեջ:
Պատրաստում ենք խմորը: Սենյակային ջերմաստիճանի կարագը շաքարավազի հետ լավ հարում ենք, ավելացնում թթվասերը, ձուն և լավ խառնում ենք:
Այնուհետև լցնում ենք ալյուրն ու սոդան և խմոր հունցում: Խմորը գնդում ենք, ծածկում պոլիէթիլենային թաղանթով և 30 րոպեով տեղափոխում սառնարան:
Խմորը զիգզագաձև ծայրերով շրջանների ենք բաժանում, դնում ենք միջուկը և զգուշությամբ ծածկում:
Շոռակարկանդակները շարում ենք յուղաթղթապատ ձևամանի մեջ, վրան ձվի դեղնուց քսում և թխում նախօրոք 200 աստիճան տաքացրած ջեռոցում 15-20 րոպե:
Ահա և վերջ:
Պատրաստեցինք շատ համեղ շոռակարկանդակ։
Աղբյուրը՝ cooks.am
