Լիլուն մեր ներկայումս ամերիկաբնակ այն երգչուհիներից է, ով ընտանեկան հանգամանքների բերումով է Հայաստանից հեռու։
Հեռու գտնվելով հայրենիքից՝ երգչուհին փորձում է սոցհարթակի հնարավորության սահմաններում կապ պահել իր երգարվեստի սիրահարների ու իրենով հետաքրքրվողների հետ։
Երգչուհին, ինչպես հայտնի է, արդեն մի քանի ամիս է, ինչ վայելում է իր երկրորդ բալիկի՝ չքնաղ դստրիկի ներկայությունը։ Կրկնակի մայրացած Լիլուն իր ժամանակի մեծ մասը հատկացնում է ընտանիքին։
Նա իր հրապարակումներից մեկի մեկնաբանություններում գրել է, որ բավականին մեծ ջանքեր են պահանջվում միևնույն ժամանակ լինել և՛ մայր, և՛ կին, և՛ ընտանիքի ու տան տնտեսուհի, և՛ երգչուհի։
Երգչուհին հաճախ է իր բալիկների սիրառատ լուսանկարներով կիսվում իր սոցհարթակում, պատմություններում դնում ընտանեկան բուռն առօրյայից ուշարժան կադրեր ու դրվագներ։
Ինչպես երևում է Լիլուի հրապարակումներից, նրա որդին մեծ ջերմությամբ վերաբերվում իր կրտսեր քույրիկին։ Ծնողները դստրիկին Մարիա են անվանել։