Թոմաս Լեխ Բոչուկ լեհազգի քաղաքական գործչի առանձնահատուկ ու յուրահատուկ ընդգծված հայամետ քաղաքականությունն ու գործունեությունը արդեն նորություն չէ շատերի համար և այն նոր դրսևորումներ է ստանում։
Նախորդ շաբաթ Ալիևի ռшզմական հшնցшգործությունների մասին ամփոփ գրքով անդրադարձած գործիչն իր գրքի առաջին օրինակը սեփական մակագրությամբ ուղարկել է Ալիևին։ Հաջորդ օրինակը գործիչը Ջո Բայդենին է ուղարկել։
Գրքի հետ միասին գործիչը նաև նոր նախաձեռնությամբ է հանդես եկել։ Նա նամակ է գրել ԱՄՆ նոր նախագահին՝ նրա ուշադրությունը հրավիրելով հայերի ներկայիս խնդրի, գերիների հարցի և այլ կարևոր իրողությունների վրա։
Նա իր նամակում պատմել է ստեփանակերտցի Արմինեի՝ իրեն ուղարկված նամակի մասին, Արմինեի օրինակով ներկայացրել է արցախահայությանը հուզող հրատապ խնդիրները։
Թոմաս Լեխ Բոչուկն իր նամակում հիշեցրել է Ա․ Լինքոլնի հետ կապված պատմություն՝ նշելով, որ աշխարհը պետք է գործուն քայլեր ձեռնարկի հայ ռազմագերիներին հայրենիք վերադարձնելու համար։