Սիրված արտիստ Վաչե Թովմասյանը երեսունչորս տարեկան է: Նա բավականին ակտիվացել է վերջին շրջանում շոուբիզնեսային ասպարեզում: Ավելի հաճախ է հանդես գալիս ժամանցային հեռուստանախագծերի մեջ, կամ ինքն է հեղինակում դրանք:
Վաչե Թովմասյանը, ինչպես հայտնի է, արդեն շուրջ հինգ տարի է, ինչ ամուսնացած է: Նրա կինը Գայանե Մանուկյանն է: Գայանեն մասնագիտությամբ դիզայներ է: Նրանք մի չքնաղ աղջնակ ունեն, ում Միա են անվանել:
Միան բոլորել է ծննդյան չորսամյակը: Այս առիթով դերասանը հրապարակել է իր և դստեր համատեղ լուսանկարը և գրել է հետևյալը. «Ծնունդդ շնորհավոր, իմ կյանք», ապա անգլերենով ավելացրել է «Պապայի աղջիկ» հեշթեգը:
Հատկանշական է, որ դերասանը հրապարակել է դստեր նախորդ տարվա լուսանկարը: Լուսանկարն արվել է անցյալ տարի, երբ լրացել է փոքրիկ Միայի ծննդյան երեքամյակը:
Միանալով բոլոր հնչած շնորհավորանքներին՝ շնորհավորում ենք փոքրիկ Միայի ծննդյան չորսամյա տարեդարձը՝ մաղթելով խաղաղ մանկություն:
