Սիրված դերասանուհի Ծովինար Մարտիրոսյանը բոլորովին վերջերս՝ հունվարի տասնութին բոլորել է ծննդյան երեսունվեցամյակը: Նա երկու որդիների մայր է:
Եթե նախորդ տարի նա բավականին շքեղ խնջույք էր կազմակերպել, իսկ ամուսինը՝ Նարեկ Հայկազյանը ամեն ինչ արել էր կնոջ օրը տոն դարձնելու համար, ապա այս տարի ամեն ինչ այլ է եղել:
Այս տարին բավականին ծանր է եղել ինչպես բոլորի, այնպես էլ Ծովինարի ընտանիքի համար: Նրանք սահմանին մտերիմ մարդ ունեն և շատ են անհանգստանում նրա համար:
Ծովինարն այս տարի որոշել է ոչինչ չանել իր ծննդյան օրվա առիթով: Նա ոչինչ չի արել նաև Ամանորին, քանի որ համարում է, որ հարկ է մտածել նաև շրջապատի մարդկանց մասին:
Հիշեցնենք, որ անցյալ տարվա մեկնարկը բավականին հաջող է եղել ընտանիքի համար: Նարեկ Հայկազյանը կնոջը նոր մեքենա էր նվիրել:
Ծովինարը հույս ունի, որ առաջիկայում կլինեն ձեռքբերումներ, այլ ոչ թե ցավալի կորուստներ: