Այսօր ցավով տեղեկացանք, որ կյանքից հեռացել է Հակոբ Հարությունյանը, ով մեր ժամանակի հարգված ու սիրված ականավոր բժիշկներից էր և ղեկավարում էր Թիվ 15 պոլիկլինիկան:
Այս մասին իր սոցհարթակում գրել է նաև բժշկի որդին՝ հայտնի հաղորդավար Տիգրան Հարությունյանը: Նա իր սոցհարթակում գրել է. «Մեջքս կոտրվեց. պապաս գնաց»:
Տիգրան Հարությունյանը նաև կիսել է Երևանի քաղաքապետարանի առողջապահության վարչության սոցհարթակի տեղադրած ափսոսանքի ու գնահատանքի խոսքը իր հոր՝ Հակոբ Հարությունյանի գործունեության և ցավալի մահվան առիթով:
Հաղորդավարի հրապարակման ներքոտ տեղ են գտել ցավակցական բազմաթիվ մեկնաբանություններ:
Ափսոսանքի ու գնահատանքի խոսքերում կարևորվում է այն արժեքավոր գործունեությունը, որն իր կյանքի ընթացքում ծավալել է բժիշկ Հակոբ Հարությունյանը:
Հայտնի է, որ բժշկի հոգեհանգստի արարողությունը տեղի է ունենալու սույն թվականի հունվարի քսաներեքին, ժամը 17:00-ին «Լյուար» սգո սրահում, իսկ հուղարկավորությունը՝ սույն թվականի հունվարի 24-ին ժամը 13:00-ին՝ նույն սրահից:
