Դերասանուհի Անի Պետրոսյանն իր սոցհարթակում անդրադարձել է Ի. Ալիևի՝ Շուշի կատարած այցին և գրել է հետևյալը. «Դուր չի գալիս չէ՞ կատարվածը Շուշիում, ցավացնում է չէ՞:
Բոլորս ենք մեղավոր, որովհետև իրար լսել չգիտենք, իրար՝ հայաստանցի ու ղարաբաղցի ենք ասում, երևանցի ու գյումրեցի:
Իրար լսում ենք՝ զուտ հակառակվելու համար, ոչ թե՝ հասկանալու, թիկունք դառնալու, վիրավոր հոգին բուժելու, ուժ տալու, հույս տալու, ներելու, հավատացնելու ու հասկացնելու, որ մենք նույնն ենք, որ մեր երակներում նույն шրյունն է հոսում:
Որ մի ԱԶԳ ենք, մի ԱԶԳ, որ իր ազգակցին ժեխ, զոմբի կամ հեգնանքով «էլիտա» անվանել չի՛ կարելի։ Դուր չի գալիս չէ՞, ցավացնում է չէ՞, որ ալիևը Շուշիում տեր ու տիրակալ է էսօր:
Ինքը գոնե ԹՇՆԱՄԻ է: Իսկ մենք իրար համար ո՞վ ենք, որ էսքան իրար ցավացնում ու ատում ենք»,- իր հրապարակումն ավարտել է դերասանուհին: