Սիրված դերասանուհի Կարինե Բուռնազյանն այսօր կբոլորեր ծննդյան 63 ամյակը, սակայն դերասանուհին մահացավ 2020 թվականին: 2020 թվականին աշխարհին պատուհասած վիրուսը չխնայեց նաև դերասանուհու կյանքը:
Կարինե Բուռնազյանը ծնվել է Երևանում 1959 թվականին: Լինելով տան միակ զավակը՝ նա շատ գունագեղ ու հետաքրքիր մանկություն է ունեցել: Հաճախել է երաժշտական դպրոց: Եղել է շատ համարձակ և ստեղծագործող, նախաձեռնող երեխա:
Դերասանական կրթություն է ստացել Գ. Սուդուկյանի անվան թատրոնին կից թատերական ստուդիայում: Նա ուսանել է մեծն վարպետ Խորեն Աբրահամյանի արվեստանոցում:
Կարինե Բուռնազյանը մեծ հաջողությամբ հանդես էր գալիս թատրոնում և ֆիլմերում, ինչպես նաև հեռուստասերիալներում: Դերասանուհին շուրջ երեք տասնյակ հայ բեմը լցրել է խինդով և էներգիայով: Նա թատերական հյուրախաղերով շրջագայել է Եվրոպական տարբեր երկրներում:
Կ. Բուռնազյանի մտերիմները, ընկերները նշում են, որ նա կյանքում շատ ավելի խորը և բովանդակալից մարդ է: Նրան բնութագրելիս օգտագործում են «մարդ-տոն» բնորոշումը: