Փիար մասնագետ և դասախոս Աստղիկ Ավետիսյանը կարևոր անդրադարձ է կատարել․ «Արտախորհրդարանական ընդդիմության լավագույն թեկնածուն կարող է լինել Վազգեն Մանուկյանը, հիմնավորեմ ինչու․ խելացի է, փորձառու, Հավասարակշիռ, եղել է Ղարաբաղ կոմիտեի համակարգող։ Աշխատել է որպես ՀՀ վարչապետ։ Աշխատել է որպես ՀՀ պաշտպանության նախարար։
Ունի վերլուծական մտածողություն (մաթեմատիկոս է)։ 1996թ. եղել է ՀՀ նախագահի ընդդիմության միասնական թեկնածու և փաստացի հաղթել է։ Երկարատև քաղաքական գործունեության ընթացքում նորմալ հարաբերություններ է ունեցել գրեթե բոլոր իշխանությունների, կուսակցությունների հետ (կոնֆլիկտային չէ)։
Առաջինն էր, որ Նիկոլ Փաշինյանի հեռացման անհրաժեշտության մասին բարձրաձայնեց։ Կուռ, ազգային ժողովրդավարական գաղափարախոսության կրող է, որն աղերսներ ունի և՛ արևմուտքի, և՛ Ռուսաստանի հետ։ Մտքերն արտահայտում է համակարգված և մատչելի։ Հեղինակություն է վայելում և՛ Հայրենիքում, և՛ Սփյուռքում։ Խարիզմատիկ է և համախմբող։
Հ.Գ. 1996 թվականին առաջին անգամ իրավունք ստացա մասնակցել ընտրություններին, իմ Նախագահի թեկնածուն Վազգեն Մանուկյանն էր»
