Արմեն Գասպարյանը «Թազա Մանվել ենք ստացել» վերնագրով հրապարակում է հանրայնացրել իր էջում՝ տեղեկացնելով այս ընթացքում բանակում տեղի ունեցած անթույլատրելի վարքի մասին:
Ինչպես հասկանալի է դառնում հանրայնացված տեղեկություններից, այս ընթացքում գրանցվել է զինծառայողների համար նախատեսված սնունդի չարաշահում, գողություն:
«ՀՀ ՊՆ ռազմական ոստիկանությունում ստացված օպերատիվ տեղեկություններն իրացնելիս ս.թ. նոյեմբերի 30-ին, ժամը 21:00-ի սահմաններում, Գորիս քաղաքի «Շորի Ձոր» կոչվող անցակետում, Գորիսի ՌՈ բաժանմունքի աշխատակիցների կողմից կանգնեցվել է պահեստազորային զինծառայող Ռ.Վ.-ի վարած «ԳԱԶ-66» մակնիշի ավտոմեքենան:
Ավտոմեքենայի վարորդի հետ տարված բացատրական աշխատանքների արդյունքում, վերջինս իր մեքենայի բեռնախցիկից ՌՈ աշխատակիցներին է ներկայացրել ՊՆ կարիքների համար նախատեսված մեծ քանակությամբ սննդամթերք և պարագաներ:
Ռ.Վ.-ն նշված ավտոմեքենայով տեղափոխվել է Գորիսի ՌՈ բաժանմունք»,- հրապարակումն ավարտել է Ա. Գասպարյանը:
