Հանրային խորհրդի նախագահ Ստյոպա Սաֆարյանը հետաքրքիր անդրադարձ է կատարել համացանցում բազում քննարկումների վերաբերյալ, որոնք բավականին պառակտիչ ազդեցություն են թողնում․ «Հիշեք, որ երբ հաղթել ենք կամ եթե այս անգամ էլ հաղթեինք,այդ ժամանակ հայ ժողովրդի, դրա տարբեր հատվածների (Սփյուռք, Արցախ, Հայաստան) կենացն էինք խմելու, դիֆերամբներ ձոնելու։
Իսկ եթե դրա հետ առարկություն չունեք, ուրեմն Հայաստանում, Արցախում, Սփյուռքում պետք է վերջ տանք միմյանց մեղադրելուն, հայաստանցի — արցախցի տարանջատմանը (մի նկարի կամ տորթի կամ երկու կողմից մերժելի փոքրամասնական վարքագծերի պատճառով):
Հետևաբար, եթե հաղթելիս բոլորս լավն ենք, ուրեմն օկու պացվելու (ես միտումնավոր պարտություն բառ երբեք չեմ օգտագործելու) ժամանակ էլ նույն ժողովուրդն ենք։ Իսկ պատճառները, այո, քննարկենք, առանց հավելյալ կրքերի։
Այդպես չի լինում, որ հաղթելիս լավն ենք ու անթերի, իսկ օկու պացվելիս միայն արատներով…»,- նշել է նա։
