Գրող Արփի Ոսկանյանն իր սոցհարթակում կոչով դիմում է վարչապետին՝ գրելով. «ՀԱԿ-ն էլ միացավ տասնյոթ ակնթարթին… Դե, էն, էլի, մարած աբլիգացիների շքերթին։ Իհարկե, կողքից, չխառնվելով, առայժմ հայտարարությամբ։ Ասվում է, որ «Իմ քայլը» իր հայտարարությամբ մերժում է ներքաղաքական ճգնաժամի հաղթահարման սահմանադրական ճանապարհը և գնում шռճшկատման։
Մի քանի անգամ կարդացի «Իմ քայլի» հայտարարությունը, որ տեսնեմ՝ որտեղ կա մերժում և կոնկրետ ինչն է մերժվում, ինչպես նաեւ հասկանալ, թե ինչ шռճակատման մասին է խոսքը։ Նաև չկարողացա կռահել, թե ինչ նկատի ունի ՀԱԿ-ը ճգնաժամի հաղթահարման սահմանադրական ճանապարհ ասելով։ Հայտարարության տեքստում չի ասվում։
Նիկոլ Փաշինյան, ես որպես ՀՀ քաղաքացի պահանջում եմ ամուր պահել իմ իշխանությունը, որ վստահել եմ Ձեզ և ոչ մի դեպքում չզիջել այն Հայաստանի ինքնիշխանության սակարկումների վրա գոյատևող կեղծ-քաղաքական բևեռին։
Կորուստները չեն կարող լինել անվերջ։ Կանգ առնենք այս կետում։ Նաև պահանջում եմ, որ վերջապես վերջ դրվի որոշ մարդկանց պատրանքներին, թե իշխանությունն ընկած է փողոցում ու կարելի է այն վերցնել՝ օգտվելով մարդկանց գերհուզական վիճակից։
Այս իրավիճակում երկրում քաղաքական անկայունություն հրահրող ու այդ անկայունությունը ինչ-որ կերպ խրախուսող ուժերը ունեն միայն մի անուն։ Ոչ ոք չի մոռացվելու, ոչինչ չի մոռացվելու»: