Աշխարհի տարբեր վայրերում ապրող մտահոգ հայորդիները շարունակում են իրենց հնարավորությունները և ներուժն օգտագործել հայրենիքին ինչ-որ կերպ օգնելու, աջակցելու համար: Նրանցից է Արթուր Մարտիրոսյանը, ով այս պահին ապրում է Վոլգոգրադում:
Արթուրը ծնունդով Հայրավանք համայնքից է: Այժմ նա Վոլգոգադի հայկական համայնքի ղեկավարն է հանդիսանում, ով էլ կազմակերպում և հրահանգում է հայկական բանակին ու հայերին տրամադրվող օգնության գործընթացը:
Մինչ այս Ա. Մարտիրոսյանը հավաքագրել և հայկական հիմնարամին է փոխանցել ավելի քան քսանութ միլիոն ռուբլու չափ գումար, որի մի մասն էլ տեղի եկեղեցական համայնքի կողմից է տրամադրվել:
Նույն անձի կողմից նաև հնգական միլիոն դրամ հատկացվել է հայաստանյան սահմանակից մարզերի մարզպետարաններին՝ առաջնագծի համար առաջին անհրաժեշտության խնդիրների լուծման նպատակով:
Այս ամենից շատ նաև տեխնիկական միջոցներ, Նիսան և Ուազ մակնիշի ավտոմեքենաներ են տրամադրվել, որոնք ուղարկվել են Արցախ: Արցախ են ուղարկվել նաև Վոլգոգրադի հայ համայնքի միջոցներով գնված դեղորայքի, հագուստի և այլ անհրաժեշտ պարագաների խմբաքանակ: