Հայտնի դերասանուհի Ալինա Մարտիրոսյանն արդեն չորրորդ տարին է, ինչ ամուսնացած է տաղանդավոր գեղանկարիչ Կարեն Արայանի հետ: Պարզվում է՝ Կարենը ոչ միայն հրաշալի նկարիչ է, այլ նաև հայրենասեր ու խիզախ քաղաքացի է:
Սեպտեմբերի քսանյոթին, երբ ադրբեջանական կողմը նախաձեռնեց шգրեuիվ հшրձшկում արցախյան տարածքի վրա, Կարենն այն առաջիններից էր, ով կամավորագրվեց հայոց հողը պաշտպանելու համար:
Սեպտեմբերի քսանութին Կարենն արդեն դիրքերում էր և խիզախորեն պաշտպանում էր հայրենի սահմանները: Հոկտեմբերի տասնիննին Կարենը վիրավորում էր ստացել: Վիրավորումը բեկորային էր, սակայն շատ լուրջ չէր:
Մի քանի օր հիվանդանոցում անցկացնելուց հետո նա երեկոյան արդեն տուն է վերադարձել: Կինը՝ Ալինա Մարտիրոսյանը, որ այդ ողջ ընթացքում ոգևորիչ ու սատարող հրապարակումներ էր անում, պարբերաբար տեղեկացնում էր ամուսնու առողջական վիճակի մասին, հուզիչ կադր է հանրայնացրել իրենց հանդիպման պահից:
Լուսանկարն արվել է երեկոյան, երևանյան իրենց բակում: Ալինան լուսանկարին կից գրել է. «Իմ վիրավոր Հերոսը հասավ ինձ, Փառք Ամենակարող Աստծուն»:
