Լ. Արոնյանը, մի շարք հայազգի հայտնիների նման, իր թվիթերային իր սոցհարթակում անգլերենով գրել է մի հուզիչ պատմություն արցախցի պապի պատմածի, և այդ պատմության՝ իր անձի վրա թողած ազդեցության մասին:
Շախմատիստը գրել է, որ երբ փոքրիկ է եղել, պապն իրեն պատմել է իրենց նախորդած պապիկների պատմության մասին, նախնիներ, ովքեր արցախցիներ են եղել:
Վկայակոչելով կարևորագույն այն իրողությունը, որ ինքն իր շախմատային լրջագույն հաղթանակը շահել է հենց Արցախի չքնաղ մայրաքաղաք Ստեփանակերտում՝ շախմատիստը վստահություն է հայտնում, որ մենք հերթական անգամ հաջողելու ենք, քանի որ միշտ է այդպես եղել:
«Մենք մի ժողովուրդ ենք, որ միշտ հպարտորեն պաշտպանել ենք ինքներս մեզ՝ անցնելով պատմության քառուղիներով»,- գրել է Լ. Արոնյանը:
Մեկ այն առիթով շախմատիստն իր հպարտությունն է հայտնել մեր ժողովրդի տոկունության, խիզախության ու համառության փաստի կապակցությամբ՝ վստահություն հայտնելով առաջիկա սպասվելիք հաղթանակի մասին:
Հայտնի շախմատիստին հաղթելու վստահություն է ներշնչում մեր ժողովրդի անցած ուղին, նրա կերտած դարավոր պատմությունը:
