Այսօր Գագիկ Սուրենյանը բոլորում է ծննդյան երեսունվեցամյակը: Նա այդ առիթով հետևյալ հրապարակումն է արել իր սոցհարթակում.
«Առաջին անգամ որոշեցի նայեմ ծննդյանս օրը ինչ եղանակ է եղել Երևանում։ Փաստորեն 1984թ սեպտեմբերի 16-ին Երևանում ցերեկը եղել է +30, գիշերը +16 աստիճան և արևառատ երկինք»։
Օդերևութաբանը հենց այդ հետաքրքիր ու խորհրդանշական իրողությամբ է պայմանավորում այն փաստը, որ ինքը արև ու արևային եղանակ շատ-շատ է սիրում:
Հայտնի ու սիրված օդերևութաբանը ամուսնացած է նույն մասնագիտությունն ունեցող Ստելլա Մելքոնյանի հետ:
Գ. Սուրենյանը ծնունդով Երևանից է, իսկ Ստելլան ծնունդով Մարալիկից: Ստելլան եղել է Գ. Սուրենյանի կուրսընկերուհին, իսկ այժմ ամուսունու կոլեգան է:
Նրանք երկու չքնաղ դուստր ունեն, որոնց, ինչպես Գ. Սուրենյանն է խոստովանում, բավականին խիստ ու զուսպ դաստիարակություն են տալիս:
Գ. Սուրենյանն իր բնագավառում բավականին ճանաչված, սիրված ու հայտնի է իր մասնագիտական բարձր կարողությունների, ինչպես նաև յուրօրինակ հումորի շնորհիվ: