Կեսօրից հետո հայկական տիրույթում խորը վշտով տեղեկություն հանրայնացվեց երկու զինծառայողի զnհվելու մասին: Սոցիալական հարթակները ողողված են ցավի ու ափսոսանքի արտահայտություններով, սրտի կսկիծ արտահայտող տողերով:
ՊՆ մամլո ծառայությունից դարձյալ զավալի տեղեկություն հանրայնացվեց ևս երկու մարդկային կորստի մասին: Զոհված հայորդիները երկուսն էլ կրտսեր սերժանտներ են՝ Սմբատ Գաբրիելյանը և Գրիշա Մաթևոսյանը:
Նշենք, որ մի քանի ժամ առաջ էլ հայկական կողմից երկու մահացու վիրավորում ստացած կապիտանի ու մայորի մասին էր տեղեկություն հանրայնացվել:
Հայտնի է, որ այս պահին հայկական սահմանին դեռևս սրված լարվածությունը շարունակվում է, իսկ արցախյան սահմանին, ինչպես տեղեկացնում են արցախյան ՊՆ մամլո ծառայությունից, հարաբերական կայուն վիճակ է:
Շ. Ստեփանյանը տարբեր լեզուներով հայտարարություն է տարածել, որում ասվում է, որ հակառակորդ կողմն իր զինտեխնիկան տեղակայել է իր խաղաղ բնակչության շուրջբոլորը, իսկ հետո դժգոհություններ է հայտնում, թե հայկական կողմը այդ ուղղություններով է թիրախավորում ու կրակ վարում: