Փոքրիկ հրաշք Նարեն ընդամենը մեկ ու կես տարեկան է, սակայն արդեն սկսվել է նրա պայքարը ապրելու համար: Ընդամենը վերջերս՝ երկու ամիս առաջ, փոքրիկ գեղեցկուհու մոտ ախտորոշվել է նեյրոբլաստոմա տեսակի քաղցկեղ:
Սա բավականին բարդ բուժում պահանջող հիվանդություն է՝ շատ արագ ու անսպասելի ընթացքով: Փոքրիկի բուժման համար անհրաժեշտ 150 հազար դոլար գումարի մի մասն արդեն իսկ հավաքվել է հանրային սրտացավ ու բարեգութ աջակցության շնորհիվ:
Պակասող գումարի համար հարազատները շարունակում են ակնկալել բարեհոգի անձանց աջակցությունը: Շարունակում են գործել այն բոլոր հաշվեհամարները, որոնք բացվել են հենց փոքրիկ աղջնակին օգնելու նպատակով:
Արյունաբանական կենտրոնում փոքրիկ Նարեի բուժման ընթացքը բավականին ծանր է ընթանում: Նրա մոտ հայտնաբերվել են քաղցկեղային երկրորդական օջախներ:
Այս պահին անհապաղ անհրաժեշտ է բուժման հետագա ընթացքը կազմակերպել գերմանական համալսարանական կլինիկայում: Մենք ներկայացնում ենք համացանցային հարթակներում հանրայնացված տվյալները, որոնց միջոցով կարելի է օգնել Նարեին:
