Ներկայումս սկսված գործընթացները, որոնք լրջագույն արդյունքների կարող են հանգել, շարունակում են անորոշ մնալ լուծումների առումով:
Ռ. Քոչարյանի հարցով այսօրվա որոշումը, Գ. Ծառուկյանի դատավարության ձգձգումը և այլ գործընթացներ երկրի ապագայի ու ճակատագրի հարցերով անհանգիստ հանրությանը որոշակի մտահոգությունների տեղիք են տալիս՝ պահելով նյարդային վիճակում:
Քիչ առաջ խիստ ուշագրավ գրառում է արել հայտնի հրապարակախոս, գրող, լրագրող Լ. Ճաղարյանը՝ ժողովրդիկն կոչով ու խնդրանքով դիմելով:
Վերահաստատելով ճշմարտությունը, որ հեղափոխությունն արվել է ժողովրդի ջանքերով՝ լրագրողը վստահություն է հայտնում, որ հարկ եղած դեպքում նույն ժողովուրդը կարող է նաև կանգնեցնել ընթացիկ անընդունելի գործընթացները, քանի որ իշխանությունը թավշյա մոտեցմամբ հապաղում է դա անել:
Լ. Ճաղարյանը հատկապես կարևոր է համարում այն փաստի արձանագրումը, որ միլիարդներ ունեցող թալանչիների կողքին միայն հոգեվաճառներն ու մարմնավաճառներն են կանգնում, ընդ որում՝ բոլորն էլ վախկոտ, ուստի նրանք հեղաշրջում չեն կարող անել, քանի որ ժողովուրդը կարող է դա թույլ չտալ՝ նրանց պատիժը մեկ օրում որոշելով: