Կառավարական նիստից անմիջապես հետո վարչապետը դուրս է եկել փողոց: Շրջելով քաղաքային փողոցներում՝ նա տուփերով դիմակներ է բաժանում քաղաքացիներին՝ հորդորելով մշտապես կրել դրանք:
Տեղեկացնելով, որ յուրաքանչյուր տուփի մեջ երկուական դիմակ կա՝ վարչապետը բոլոր հանդիպող մարդկանց մի քանի տուփ տալիս է՝ հորդորելով, որ բաժանեն նաև մտերիմներին:
Նա նկատողություններ է արել նաև այն քաղաքացիներին, ովքեր իրեն առանց դիմակ են հանդիպել: Զուգահեռ հետաքրքրվելով իրեն հանդիպած մարդկանց որպիսությամբ՝ վարչապետը նաև բոլորին անհատապես շնորհակալություն է հայտնել դիմակ կրելու համար:
Նրա այս քայլը մեծ սիրով ու բարեհաճությամբ են ընդունել քաղաքացիները: Նշենք, որ նախորդող օրերին որոշ քաղաքացիներ, քննադատություն հնչեցնելով, առաջարկել են, որ վարչապետը դիմակներ բաժանի: Վարպապետը նշում է, որ ինքը մշտապես հետևում է առողջ ու ճիշտ քննադատությանը:
Ն. Փաշինյանը նաև հայտարարել է, որ աշխատանքներ են տարվում, որ ավելի նվազեցնեն դիմակների գները: Նրանք մեխանիզմներ են մշակում, որ հնարավոր լինի դիմակներ ձեռք բերել ինքնաշխատ սարքերից ընդամենը 60-70 դրամով:
Շնորհակալ եմ, որ դիմակ եք կրում։ Շրջայց՝ Երեւանի Ալեք Մանուկյան փողոցում։
Опубликовано Nikol Pashinyan / Նիկոլ Փաշինյան Четверг, 18 июня 2020 г.
