Բացի մասնագիտական ոլորտի ակտիվ դիրքորոշման, բժիշկ Հ. Մանասյանն ունի նաև քաղաքացու ակտիվ դիրքորոշում ու քաղաքական, տնտեսական հարցերին առնչվող իր կարծիքները հաճախ է հանրայնացնում սոցցանցային հրապարակումների միջոցով:
Հ. Մանասյանի հերթական գրառումը քաղաքական խմորումների մասին է: Հիշեցնելով իր հետևորդներին հայտնի ասացվածքը, որն ասում է, որ իմ թշնամու թշնամին իմ բարեկամն է, բժիշկը հիշեցնում է Ս. Սարգսյանի ու Գ. Ծառուկյանի անհամաձայնությունները:
Բժիշկը անդրադառնում է նաև վերջին զարգացումներին՝ արձանագրելով, որ Ծառուկյանը փաստորեն դարձել է նաև Ն. Փաշինյանի թշնամին: Սակայն Հ. Մանասյանը կարծում է, որ հիմնական կոնֆլիկտն ընթանում է հիմնականում Գ. Ծառուկյանի և Մ. Մինասյանի միջև:
Նրանց միջև պայքար է գնում այն հարցի շուրջ, թե ով կգլխավորի ներկայիս բողոքավոր զանգվածին: Հ. Մանասյանը գրառումը եզրափակում է ներողամտությամբ ու հարգանքով հարցը լուծելու առաջարկությամբ, քանի որ հակառակ ընթացքը՝ հակադրությունը, դրսի գայլերին ավելի ձեռնտու կլինի:
