Բլոգեր Տարեն Չախոյանն իր գրառումների մեջ մշակել է որոշակի ֆորմատ: Ըստ այդմ, նա պարբերաբար բաց նամակով մենախոսություն է ունենում Ն. Փաշինյանի հետ՝ կիսվելով այս կամ այն առիթով թեժացած իրադարձություններից ստացած իր տպավորություններով:
Նոր հրապարակման մեջ Տ. Չախոյանը հիշեցրել է երկու տարի առաջվա նրա սկսած պայքարը, համատարած թերահավատությունը, որ կար շատերի մոտ: Ապա նա նաև հիշեցնում է, թե ինչպես նրան հաջողվեց կոտրել անտարբերության ու հիասթափության համընդհանուր մթնոլորտը:
Իր շուրջը շարունակաբար շատ մարդկանց հավաքելով՝ ի վերջո նա կարողացավ հաջողության հասնել: Գրառման հեղինակը շեշտում է, որ նա կարողացել էր մարդկանց համախմբել հենց պետությունը թալանողների ու իշխանությունը զավթողների դեմ պայքարի գաղափարի շուրջ:
Նշելով, որ այդ պայքարը հաղթանակով պսակվեց՝ Տ. Չախոյանը նաև գրում է, որ այդ պայքարը, սակայն, դեռ ավարտին չի հասել, այն դեռևս ընթանում է:
Տ. Չախոյանը նշում է, որ այդ շարունակվող գործընթացներում դեռևս շատերն են շարունակում մնալ առաջ քաշված կարևոր գաղափարի կողքին:
