Այսօր հրաշալի ու անչափ սիրված դերասանուհի Լուիզա Ղամբարյանի ծննդյան օրն է․ նա տոնում է քառասուներեքերորդ տարեդարձը։
Ապագա նրբանազ դերասանուհին լույս աշխարհ է եկել 1977-ի հունիսյան այս օրը։ Ավարտել է մանկավարժական համալսարանի գեղռեժիսուրայի ֆակուլտետը՝ Յուրի Երզնկյանի արվեստանոցը։ 1995-ից աշխատում է Հ․ Ղափլանյանի անվ․ դրամատիկական թատրոնում։
2014-ին արժանացել է վաստակավոր արտիստի կոչման։ Թատերական ու ֆիլմային գործունեությանը զուգահեռ Ղամբարյանը նկարահանվում է սերիալներում, այն էլ շատ ակտիվ։
Նա յուրահատուկ դերեր է կերտում սերիալներում, և, անգամ չլինելով գլխավոր դերում, միևնույնն է հիշվում է իր վառ ու պրոֆեսիոնալ մոտեցման ու խաղալու ոճի համար։
Լուիզան մեկ անգամ չէ, որ նշել է՝ սերիալային նկարահանումներն անհրաժեշտ են ֆինանսական տեսանյունից։ Եթե չլինեն դրանք, գրեթե ոչ մի արտիստ չի կարողանա ապրել իր՝ թատրոնում ստացած շատ փոքր աշխատավորձով։
Այնպես որ, նա չի պատրաստվում լքել այդ աշխատանքի տեսակը։