Այսօր մեծանուն հայ աշուղ Սայաթ-Նովայի ծննդյան օրն է։ Արևելյան աշուղության հիմնադիր Հարություն Սայադյանը ծնվել է 1772-ի հունիսի տասնչորսին՝ Թիֆլիսում։ Հարյուր հիսուն տարվա ընթացքում նրա կյանքը մասնագիտական բանավեճի առարկա է եղել, քանզի կյանքի կարևորագույն հանգամանքները մինչ օրս անհայտ են մնում։
Իր մասին տեղեկություններ են քաղվում իր հեղինակած բանաստեղծություններից։ Նա ոչ միայն հայերեն է գրել, այլև այլ լեզուներով։ Ունի վաթսունութ հայերեն, երեսունչորս վրացերեն և հարյուր տասնհինգ ադրբեջաներեն ստեղծագործություն։ Ադրբեջաներենների մեծ մասը հրապարակված չէ, և այժմ պահպանվում է պետերբուրգյան Ասիայի թանգարանում։
Սայաթ-Նովան, թեպետ քիչ բանաստեղծություններ ունի, բայց համարվում է հայ ամենահայտնի աշուղը։ Մինչ օրս նրա անվան ստեղծագործական երեկոներ ու փառատոններ են անցկացվում։ Նրա արվեստը նորացվում է՝ զետեղվելով մյուզիքլների ու երգերի մեջ։
Մահացել է 1795-ի նոյեմբերի քսաներկուսին՝ Հաղպատում, որը ժամանակին վրացական հող է եղել։
