Անչափ ցավալի. Սաթենիկը, որ համառորեն պայքարում էր քաղցկեղի դեմ, մահացել է

Սաթենիկի հիվանդության մասին շատերն իմացան ձմռանը: Պայծառ ու լուսավոր աղջիկը պայքարում էր դարի ամենասարսափելի ախտի դեմ: Հանրային աջակցության շնորհիվ շատ արագ անհրաժեշտ գումար հավաքվեց:

Դրա արդյունքում աղջնակը շուտով մայրիկի հետ կարողացավ մեկնել Գերմանիա՝ գերմանական կլինիկայում բուժումը շարունակելու հնարավորություն ստանալով:

Նա Գերմանիայից պարբերաբար լուսանկարներ էր հրապարակում բուժման ընթացքից, դրական ու լուսավոր տեսարաններուվ ու պատմություններով կիսվում իր հետևորդների հետ:

Խոսում էր չհանձնվելու, լավի ու դրականի իր հույսերի ու սպասելիքների մասին:

Սաթենիկի նպատակն ու ցանկությունը իրեն բուժողների գործն առողջանալուց հետո շարունակելն էր:

Այսօր Արցախի նախագահը հանրայնացրեց անչափ ցավալի լուրն այն մասին, որ Սաթենիկի պայքարն իրեն պատուհասած ծանր հիվանդության դեմ ապարդյուն է եղել և լուսավոր աղջիկը մահացել է:

Նախագահը, ցավ հայտնելով Սաթենիկի կիսատ մնացած կյանքի, նպատակների, երազանքների համար, ասել է, որ Սաթենիկը միացել է իր երջանկահիշատակ հորը՝ լեգենդար ազատամարտիկ ու հրամանատար Սամվել Սաֆարյանին:

Понравилась статья? Поделиться с друзьями:
error: Content is protected !!