ՌԴ-ում հայկական դեսպանությունը նոր ու կարևոր տեղակատվություն է հանրայնացրել՝ կապված առաջիկա չվերթների, մարդկային կուտակումների, իրենց ստացած բազմաթիվ նամակների և այլ հարցերի հետ:
Դեսպանությունը տեղեկացնում է, որ այս ընթացքում ունեն էլեկտրոնային դիմումների ու նամակների հսկայական թվով կուտակումներ: Բոլոր հարցումներին հավուր պատշաճի ծանոթանալու և պատասխանելու համար հարկավոր է բավականին շատ ռեսուրսներ ու միջոցներ, ինչպես նաև ժամանակ:
Դեսպանությունը հիշեցնում է, որ բոլոր հնարավոր տարբերակներով քաղաքացիներին ընդառաջել են, սակայն այժմ քաղաքացիները պետք է ըմբռնեն իրենց հնարավորությունների սահմանափակության հանգամանքը:
Դեսպանատունը դարձյալ վերահրապարակել է այն էլեկտրոնային հարթակը, որտեղ կարելի է համապատասխան դիմումի հայտ լրացնեն: Հիշեցնելով կայքի հասցեն՝ դեսպանությունը կարևորում է, որ քաղաքացիները գիտակցեն, որ հայտն ամբողջությամբ լրացնելու դեպքում է միայն համարվում ընդունված: Կարևոր է, որ լրացնելուց հետո անպայման սեղմվի ավարտել, հաստատել համապատասխան կոճակը և ստանալ ծանուցում դիմումն ընդունված լինելու մասին:
Դեսպանության ծավալուն հայտարարությունը՝ կից:
