ԱՄՆ-ի 108-ամյա բնակչուհին հաղթահարել է կորոնավիրուսյան ախտն ընդամենը մեկ շաբաթում՝ դառնալով իր նահանգի՝ կորոնավիրուսը հաղթահարած ամենատարեց բնակչուհին, հայտնում People-ը։ Թոշակառու Սիլվիյա Գոլդշքոլը՝ ամերիկյան Նյու Ջերսի նահանգից, կորոնավիրուսյան ախտով վարակվել է ծերանոցում։
Կնոջը միանգամից մեկուսարան են տեղափոխել, իսկ աշխատակիցները հայտնել են իր հիվանդությամ մասին քրոջ դստերը։ Սակայն մի քանի օրից բժիշկները զանգահարել են աղջկան և հայտնել՝ Գոլդշոլը լիովին ապաքինվել է ախտից։
«Ես հաղթահարել եմ ախտը, քանզի լի էի վճռականությամբ՝ ապրել»,- խոստովանել է կինը։ Մայիսի տասնչորսին Նյու Ջերսիի նահանգապետ Ֆիլ Մերֆին անձամբ է շնորհավորել Գոլդշոլին՝ ապաքինվելու կապակցությամբ։ Դա տեղի է ունեցել լրագրողների հետ ամենօրյա ճեպազրույցի ընթացքում։
«Նա ցուցադրել է աննկարագրելի կամքի ուժ։ Բոլորս իրենից սովորելու բան ունենք»,- նշել է Մերֆին՝ քաջ առողջություն և երկար տարիների կյանք մաղթելով տարեց կնոջը, որին հաջողվեց ապաքինվել։