Աղցան «Հրաշք». Սննդարար է, շատ համեղ և դյուրամարս, պատրաստվում է արագ, բոլոր բաղադրիչները հարուստ են վիտամիններով և հասանելի են բոլորին, պատրաստվում է 10 րոպեում, մայոնեզ չի օգտագործվում, կարելի է ուտել պատրաստելուց անմիջապես հետո:
Բաղադրությունը`
0.5 կգ սունկ սունկ
2 հատ միջին չափի բազուկ
2-3 հատ գազար
1 կապ կանաչ սոխ
փոքր կապ սամիթ
5 ճաշի գդալ արևածաղկի ձեթ
1 ճաշի գդալ քունջութ
աղ, սև աղացած պղպեղ
Սոուսի համար`
1 լիքը ճաշի գդալ մեղր
1 ճաշի գդալ կիտրոնի հյութ
3 ճաշի գդալ սոյայի սոուս
Պատրաստման եղանակը`
Աղցան.
Բազուկը և գազարը նախօրոք խաշել, աղ ավելացնել: Տաքացրած թավայի մեջ լցնել ձեթ և անմիջապես ավելացնել մեծ չափերով կտրատված սունկը ու միջին կրակի վրա կամրացնել այնքան, միչև սունկը ոսկեգույն դառնա, վերջում ավելացնել աղն ու սև պղպեղը: Աղցանի համար նաախատեսված խորը թասի մեջ լցնել կտրատած բազուկն ու գազարը (նշեմ, որ սրանք էլ պետք է կտրատել խոշոր, այդպես գեղեցիկ է և համեղ), ավելացնել մանր կտրատած սոխի կանաչ մասը, կտրատած սամիթը, կարելի է նաև մաղադանոս ավելացնել:
Սոուս.
Վերցնել խորը թասիկ, մեջը լցնել մեղր, ավելացնել ձեթ և լավ խառնել, ավելացնել կիտրոնի հյութ, սոյայի սոուս և նորից խառնել այնքան, որ ստացվի համասեռ զանգված: Թողնել հանգստանա 5 րոպե, որ համերը խառնվեն իրար:
Մատուցելու համար վերցնել սպիտակ ափսե, մեջ լցնել աղցանը, վրան լցնել սոուսը, վերջում քունջութ շաղ տալ:
Աղցանի պատրաստման մանրամասները կարող եք դիտել ստորև բերված տեսանյութում:
Բարի ախորժակ!