Լիլիթի և հայտնի դերասան Ալեքսանդր Բաբասյանի բաժանության մասին զույգերից ոչ ոք չցանկացավ մանրամասնորեն խոսել՝ պահելով խորհրդավոր լռություն:
Նրանցից յուրաքանչյուրն այս ընթացքում իր յուրօրինակ սերն ու նվիրվածությունն էր հայտնում իրենց միակ զավակին՝ Ալեքսանդրին:
Լիլիթն ինստագրամյան իր էջում անկեղծության պոռթկում է ունեցել՝ պատմելով ներքին հույզերի և զգացմունքների մասին:
Վերհիշելով իր անցած դժվարությունները՝ Լիլիթը նշել է, որ ինքը մշտապես փորձում է ամեն ինչին հասնել սեփական ջանք ու եռանդի շնորհիվ:
Նա գրել է, որ անցնող տարին շատ խորը հետք է թողել իր սրտում՝ միաժամանակ ուրախություն հայտնելով, որ չի չարացել ու իր սովորության համաձայն կարողացել է չատել մարդկանց: Սակայն այժմ բոլորովին նոր մտածողությամբ նոր մարդ է, ով անցնող 2019 թվականի մեջ է թողել առաջվա Լիլիթին:
Լիլիթը նշել է, որ ինքը սովորություն չունի մարդկանց ցավ պատճառելու. նա ոչինչ չի ձեռնարկի, եթե առաջին հարվածը չստանա: Սոսկ ինքնադատությամբ է զբաղվում, երբ վատ իրավիճակում է հայտնվում:
