Համացանցում մի չափազանց հուզիչ տեսանյութ է հայտնվել: Տեսանյութի հերոսուհին իսպանացի 89-ամյա կին է, ում ծննդյան օրն է եղել օրերս: Դեպքը տեղի է ունեցել Մադրիդյան բակերից մեկում:
Հարևանները որոշել են տիկնոջն անսպասելի ու հաճելի անակնկալ մատուցել: Նրանցից յուրաքանչյուրն իր պատշգամբից գեղեցիկ պաստառներ, գրառումներ ու պլակատներ են թափահարել, հետո բոլորով միասին երգել են ծննդյան հայտնի երգը: Երգն ուղեկցվել է սաքսոֆոնի հնչյուններով:
Տատիկն անչափ հուզվել է այդ ամենից, նա լաց է եղել ուրախությունից ու հուզմունքից: Շնորհակալական ժեստերով արտահայտել է իր վերաբերմունքը հարևանների նկատմամբ:
Նման մտահաղացումները ոչ միայն յուրօրինակ մարտահրավեր են կորոնավիրուսի դեմ, որն ամեն կերպ փորձում է մարդկանց հեռու պահել իրարից, այլև մարդկանց զգացմունքներն ու հույզերը կարևորելու գեղեցիկ ու խորհրդանշական քայլ:
Առաջարկում ենք դիտել այս գեղեցիկ պահից նկարված հետևյալ հուզիչ հոլովակը, որը մարդասիրության հրաշալի և խոսուն դրսևորում է:
