Հայազգի սիրված ու ճանաչված երգիչ Սևակ Խանաղյանը յուրահատուկ և տարբերվող ոճային ներկայացումներով իր առանձնահատուկ ձեռագիրն է մշակել: Նրա ոճը տարբերվող է ու ակնառու. այն չի կրկնում ոչ ոքի: Այս յուրօրինակության սկզբունքով էլ կառուցված է Սևակի նոր երգը:
Հայտնի է, որ Սևակը, մեծանալով հայրենիքից հեռու, այժմ առավել հաճախ հանդես է գալիս ռուսալեզու երգերով: Եզակի են Սևակի հայերեն լեզվով կատարումները:
Նոր երգն այս առումով բացառություն չէ, բայց այն բացառիկ գեղեցիկ երգ է, նորաոճ ու մեղեդային: Երգիչը երգը մատուցում է ռուսերենով: Այն անչափ մելոդիկ է ու այնքան բնականորեն է ներդաշնակվում տեսահոլովակում տեղ գտած նրբատես ու չքնաղ բնապատկերների հետ:
Սևակի նոր երգը կարոտի, սպասման մասին է: Երգի բառերն ու երաժշտությունը հեղինակել է հենց երգիչը՝ Սևակը: Տեսահոլովակում տեղ է գտել հայկական լեռնաշխարն իր բնության ողջ հմայքով, բուսականության ճոխությամբ ու զմրուխտյա կանաչով:
