Դերասան Ռաֆոն և երգիչ Սարոն անչափ ծիծաղելի լուծում են գտել կարանտինային տաղտուկը ցրելու և մեկուսացման շրջանը հեշտ հաղթահարելու համար: Նրանք տեսակապով միմյանց հետ հետաքրքիր ու զվարճալի խաղ են խաղացել սոցցանցային ուղիղ եթերում, որն էլ հետո տեղ է գտել նաև յութուբում:
Խաղը նրանք սկսել են ձվերով: Պայմանավորվածության համաձայն նրանք միաժամանակ ձվեր են կոտրում յուրաքանչյուրն իր գլխին, իսկ վերջում պարզվում է, որ Ռաֆոյի ձուն խաշած էր:
Դրանից հետո նրանց խաղն ավելի է թեժանում: Տարբեր մթերքներ են լցնում իրենց գլխին, որից հետո նաև կարմիր բիբար ու ալյուր, ապա՝ աման լվանալու հեղուկ: Կուլմինացիոն ավարտին նրանք մածուն են լցնում իրենց գլուխներին:
Ի վերջո գալիս են այն եզրակացության, որ իրենք դառել են «Մայրաքաղաքային» աղցան: Մի խոսքով՝ եթե ցանկանում եք բարձրացնել ձեր տրամադրությունը, ապա անպայման դիտեք տեսանյութը: