Գագիկ Սուրենյանը, առաջին հայացքից ջերմ, բայց խորը նայելիս անչափ ցավալի լուսանկար է տեղադրել՝ մակագրելով այն․ «Ձնեմարդը՝ ծաղկած այգիների տակ։ Սա իսկական աղետ էր իր օրվա հացը հողից արարող գյուղացու համար(։ Արցախ 08․04․2020»։
Իրապես, թվում է ձնեմարդը և ձյունն ուրախության, ամանորյա հրաշքների խորհրդանիշ են, բայց ոչ այս դեպքում։ ԱԻՆ-ը հայտնում է՝ մինչև ամսի 12-ը լեռնային շրջանում, այդ թվում արցախյան տարածքում, քամու ուժգնացում նույնպես լինելու։
Երևանն էլ հետ չի մնում վատ եղանակով․ ամսի 10-ից 12-ն սպասվում է անձրև ու ամպրոպ։ Իսկ օրերս Սուրենյանը հատուկ դիմել էր գյուղատնտեսներին՝ զգուշացնելով ցրտերի մասին ու հորդորելով նախապատրաստվել, ծածկել ջերմոցները, ծխեցնել․ ամեն ինչ անել, որ բերքը փրկվի։
Փաստորեն արդեն իսկ որոշ շրջաններում աղետ է։ Հուսանք՝ մյուս վայրերում նման բան չի լինի ու գյուղատնտեսները կկարողանան հաղթող ելնել իրավիճակից։
