Առաջարկվում է պատրաստել չրերով, չամիչով հետաքրքիր ու համեղ փլավ, որը նախատեսված է հիմնականում Զատկի խորհրդանշական սեղանի համար:
Նախ և առաջ հարկ է չրերը նախօրոք մի քիչ խոնավացնել, հետո շերտերով կտրատել: Չրերի ընտրությունը թողնվում է ըստ ձեր նախընտրության և նախասիրության, սակայն հարկ է կարևորել չրերի բազմատեսակությունը. որքան տեսականին շատ լինի, այնքան ավելի հետաքրքիր համ կունենա փլավը:
Չրեղենն ու չամիչը մեկտեղ հատուկ տարրայի մեջ կարագով տապակել: Մինչ այդ նախապատրաստել բրինձը: Խորհուրդ է տրվում բրնձի ընտրության հարցում նախապատվությունը տալ երկար բրնձին: Այն ևս քիչ խոնավացնել, հետո խաշել հատուկ տարրայի մեջ, որից հետո նոր միայն կարելի է ավելացնել կարագով տապակված չրեղենի վրա:
Առաջարկվում է փլավը մատուցել յուրօրինակ ձևով: Կավե համապատասխան տարրայի հատակին լավաշ փռել, վրան լցնել մեր ստացած փլավը:
Փլավի պատրաստման տեխնոլոգիայի առավել մանրամասն կարող եք ծանոթանալ կցված տեսանյութում:
