Չնայած բազամթիվ քննարկումների, քննադատությունների, քաղաքացիական ակտիվ ֆլեշմոբերի և զգուշության կոչերին արցախցիները երեկ այնուամենայնիվ անցկացրեցին նախագահի ընտրություններ: Հատկանշական էր նաև ընտրություններին մասնակցած արցախցիների ակտիվությունը. մասնակցություն էր ցուցաբերել ընտրելու իրավունք ունեցող բնակչության գրեթե 72, 7 %-ը: Սա աննախադեպ ակտիվություն է տարածաշրջանի համար:
Նշված ժամին ազդարարվեց ընտրությունների ավարտի մասին ու սկսվեցին արդյունքների հաշվման գործընթացները, իսկ ուշ երեկոյան արդեն կար և հրապարակվեց ընտրությունների արդյունքների նախնական պատկերը:
Ըստ այդմ, երեք թեկնածումերը դասավորվել են հետևյալ հերթականությամբ՝ Արայիկ Հարությունյան՝ մոտ 57 %, Մասիս Մայիլյանը՝ մոտ 28 %, իսկ Վիտալի Բալասանյանը՝ 15 %:
Բնականաբար սրանք դեռ նախնական տվյալներն են, և առավոտյան հնարավոր է պատկերը փոքր-ինչ փոխվի: Այնուամենայնիվ, նկատելի է, որ առաջատար դիրքերում է գտնվում Արայիկ Հարությունյանը:
Ընտրություններին մասնակցել են ինչպես բոլոր թեկնածուները, այնպես էլ Արցախի արդեն նախկին նախագահ Բակո Սահակյանը, ով վստահեցրել է, որ ամեն ինչ արվում է երկրի անվտանգությունը պահպանելու համար:
