Varks.am-ը զրկվեց լիցենզիայից․ ի՞նչ է սա նշանակում վարկառուների համար

Արդեն մի քանի օր շարունակ համացանցում արշավ է մեկնարկել Varks.am վարկային կազմակերպության դեմ, որը, չնայած կորոնավիրուսյան վարակի պատճառով ստեղծված արտակարգ վիճակի, պահանջում էր վարկառուներից վճարել վարկերը։ Դա բուռն դժգոհություն է առաջացրել հանրության կողմից, քանի որ մարդիկ զրկվել են եկամուտներից և ի վիճակի չեն վճարել վարկերը։

Կենտրոնական բանկն այսօր որոշել է լիցենզիայից զրկել Varks.am վարկային կազմակերպությանը՝ ֆինանսական տվյալներ թաքցնելով կապիտալի նվազեցման փաստը քողարկելու պատճառով։ Նշվում է նաև՝ այդ գործընթացն սկսվել է 2019-ի վերջին՝ կապ չունենալով վերջին օրերի իրադարձությունների հետ։

Հանրության, վարկառուների համար սա, սակայն, չի նշանակում, որ պետք չէ վարկերը վճարել, կամ որ այդ վարկերը կզրոյացվեն։

Թե ինչ մեխանիզմով ու ինչ տոկոսներ պետք է վճարեն քաղաքացիները, հայտնի կդառնա ավելի ուշ՝ պաշտոնական հայտարարությունների միջոցով։ ԿԲ-ն կոչ է անում կեղծ հորդորներ չտարածել։

Понравилась статья? Поделиться с друзьями:
error: Content is protected !!