Ֆեյսբուքյան օգտատերերից մեկը՝ Գոռ Առաքելյանը, ով երեկվանից գտնվում է կարանտինային գոտում, իր անձնական սոցցանցային էջում մի քանի լուսանկարներ է հրապարակել կարանտինային գոտուց՝ քից պատմելով այն պայմանների մասին, որի մեջ նա գտնվում է ներկայումս:
Նա նշել է, որ իր մոտ ոչ մի վիրուս չի հայտնաբերվել, սակայն ապահովության համար նա միառժամանակ պետք է գտնվի կարանտինային գոտում:
Օգտատերը պատմել է, որ ինքը գտնվում է ծաղկաձորյան հյուրանոցներից մեկում: Ճիշտ է՝ «Գոլդեն փելիս» հյուրանոցը չէ, բայց պայմաններն ու հարմարությունները նույնքան լավն են, ինչքան հինգաստղանի հյուրանոցում:
Ի հավաստումն իր ասածի՝ Գոռը հրապարակել է լուսանկարներ իրեն հատկացված կացարանի հյուրասենյակից, լոգասենյակից, նույնիսկ ներկայացրել է իրեն տրամադրված իրերը:
Երիտասարդը նաև կարևորել է իր մեկուսացման ժամանակ իր կարիքների մասին հոգացող համապատասխան աշխատակիցների ջերմ և ուշադիր վերաբերմունքը, գնահատել է նրանց ցուցաբերած մարդկային և հոգատար վերաբերմունքը, որը պետական հանձնարարականի արդյունք է:
