Այս տարի Սուրբ Զատիկը նշվելու է ապրիլի 12-ին․ պահպանեք կուլիչի լավագույն բաղադրատոմսը

Կուլիչի լավագույն տարբերակներից մեկն է․ ստացվում են նուրբ, փափուկ, օդային։ Իսկ համը․․․հրաշալի է․․․

Անհրաժեշտ բաղադրիչներ․

  • կաթ՝ 500մլ
  • ալյուր՝ 1,2կգ
  • կարագ՝ 200գ
  • չոր խմորիչ՝ 11գ
  • ձու՝ 6 հատ
  • շաքարավազ՝ 250գ
  • չամիչ՝ 300գ
  • վանիլին՝ 1թ․գ․
  • զարդարելու համար գունավոր հատիկներ

Պատրաստման եղանակ․

Կաթը գոլացանել և մեջը լուծել խմորիչը։

500գ ալյուր ավելացնել և լավ խառնել։

Թողնել գոլ տեղում։ Ծածկել սրբիչով։ Մոտ 30 րոպե անց զանգվածը կբարձրանա։

Առանձնացնել հավկիթների սպիտակուցներն ու դեղնուցները։ Դեղնուցները խառնել շաքարավազի և վանիլինի հետ։

Սպիտակուցին մի պտղունձ աղ ավելացնել և հարել՝ մինչ սպիտակ փքուն փրփուր կստացվի։

Խմորիչային զանգվածին դեղնուցներն ավելացնել և խառնել։

Ավելացնել նաև փափկած կարագը, նորից խառնել։ Միացնել սա հարած սպիտակուցի հետ, գդալով խառնել։

Լցնել մնացած ալյուրը, խմոր հունցել։ Խմորը չպիտի շատ պինդ լինի, բայց և չպետք է կպչի ձեռքերին։

Խմորը թողնել տաք տեղում և թույլ տալ, որ 1 ժամվա ընթացքում բարձրանա։

Չամիչը լցնել եռման ջրի մեջ և 15 րոպե անց քամել։

Արդեն պատրաստի խմորի մեջ լցնել չամիչը, նորից հունցել և դնել տաք տեղում։

Խմորը պիտի լավ բարձրանա։

Ֆորմաներին կարագ կամ ձեթ քսել և լցնել խմորը։ Պիտի լցվի ֆորմաների 1/3 մասը, քանի կուլիչիները բարձրանալու են։ Ծածկել սրբիչով։

Երբ խմորը ևս մի անգամ բարձրանա՝ արդեն ֆորմայի մեջ, ջեռոցը տաքացնել մինչ 100 ջերմաստիճանի և կուլիչները թխել 10 րոպե։ Հետո ջերմաստիճանը բարձրացնել մինչ 180 և թխել ևս 20-30 րոպե։ Դա կախված է ձեր ֆորմայի չափից։ Պատրաստ լինելը ստուգել չոփիկով։

Սպիտակ ջնարակի համար հարել մի քանի սպիտակուց՝ մի պտղունձ աղ ավելացնելով։ Տաք կուլիչներին ջնարակ քսել և զարդարել գունավոր հատիկներով կամ ցուկատներով։

Բարի ախորժակ։

Понравилась статья? Поделиться с друзьями:
error: Content is protected !!