40 տարեկանից հետո ծննդաբերած կանայք հազվադեպ չեն հանդիպում։ Ոմանք գիտակցաբար սպասում են երեխային կյանք տալու գործընթացը՝ կարիերան ստեղծելուց հետո իրականացնելուն, ոմանց մոտ էլ, պարզապես, չի ստացվում։
Գերմանուհի Աննեգրետ Ռաունինգը մայրացել է 65 տարեկանում։ Նա արդեն իսկ ուներ 13 հարազատ երեխա և 8 թոռ։
Աննեգրետը շատ է սիրում երեխաներ և համոզված էր, որ փոքրիկն իրեն չի խանգարի, քանզի ամենակրտսեր դուստրը՝ 10-ամյա Լեյլան, երազում էր քույրիկի կամ եղբայրիկի մասին։
Թեպետ կնոջը բժիշկներն զգուշացնում էին լուրջ ռիսկերի մասին, կինը որոշել է արհեստական բեղմնավորման դիմել։ Իհարկե 4 երեխա նա չէր պլանավորել, բայց որոշեց՝ եթե ճակատագիրն այդպես է դասավորվել, նշանակում է այդպես պետք է լինի։
Աննեգրետն ուսուցչուհի է և բոլոր երեխաներին ինքնուրույն է մեծացրել։ Իսկ ևս չորս երեխա ունենալուց հետո Գինեսի ռեկորդների գրքում է հայտնվել։ Քառյակն արդեն 3 տարեկան է։
Հիմա մեծ ընտանիքն ապրում է լիարժեք, հագեցած կյանքով։ Քառյակի լույս աշխարհ գալուց հետո ընտանիքը Բեռլին է տեղափոխվել՝ Հերստերում գտնվող մեծ տուն։ Բացի այդ Աննեգրետը պետության կողմից երկու պարգև է ստացել ու արդեն պայմանագիր է կնքել հեռուստաալիքներից մեկի հետ՝ իր կյանքի մասին հեռուստաշոու նկարահանելու շուրջ։